Müdafiə Nazirliyinin hərbi hissə və birləşmələrində gənc əsgərlər Vətənə sədaqət andı içiblər
Bakı, 17 noyabr, AZƏRTAC
Müdafiə Nazirliyinin tabeliyində olan hərbi hissə və birləşmələrdə gənc əsgərlərin andiçmə mərasimləri keçirilib.
Müdafiə Nazirliyinin mətbuat xidmətindən AZƏRTAC-a bildiriblər ki, Silahlı Qüvvələrin birliklərinin və Əlahiddə Ümumqoşun Ordusunun hərbi hissələrinin ərazilərində təşkil edilmiş mərasimlərdə hərbi rituala uyğun olaraq döyüş bayrağı sıra meydanına gətirilib, Azərbaycan Respublikasının Dövlət himni oxunub.
Sonra gənc əsgərlər təntənəli surətdə hərbi andı qəbul ediblər.
Andiçmə mərasimlərinə hərbi hissələrin komandanlığı, yerli icra orqanlarının və ictimaiyyətin nümayəndələri, veteranlar və əsgərlərin valideynləri qatılıblar.
Andiçmə mərasimlərində çıxış edən hərbi qulluqçular, valideynlər və ictimaiyyətin nümayəndələri gənc əsgərlərə nümunəvi, nizam-intizamla xidmət etməyi, silah və texnikanın sirlərini dərindən öyrənərək döyüş qabiliyyətlərini artırmaları, komandir-rəis heyətinin əmr və sərəncamlarını dəqiq və vaxtında yerinə yetirmələrini və işğal altındakı torpaqlarımızın azadlığı uğrunda döyüşə hər an hazır olmağı tövsiyə ediblər.
Rəsmi mərasimlər bağlı elan olunduqdan sonra konsert proqramları təşkil edilib. Həmçinin valideynlərin əsgərlərlə görüşləri və hərbi hissələrdə yaradılmış şəraitlə tanışlığı olub.
Bölmənin digər xəbərləri
