Müdafiə Nazirliyinin nümayəndə heyəti beynəlxalq təhlükəsizlik konfransında iştirak edəcək
Bakı, 3 aprel, AZƏRTAC
Azərbaycan Respublikasının müdafiə nazirinin müavini, general-leytenant Kərim Vəliyevin başçılığı ilə nümayəndə heyəti aprelin 4-5-də Moskvada keçiriləcək VII beynəlxalq təhlükəsizlik konfransında iştirak edəcək.
Müdafiə Nazirliyinin mətbuat xidmətindən AZƏRTAC-a bildiriblər ki, Rusiya Federasiyası Müdafiə Nazirliyi tərəfindən təşkil ediləcək beynəlxalq konfransda qlobal və regional təhlükəsizlik məsələləri müzakirə olunacaq.
Plenar iclaslarda təhlükəsizliyin regional aspektləri, dövlətlərin təhlükəsizliyi üçün yaranan təhdidlərə qarşı cavab tədbirləri üzrə hərbi qurumların fəaliyyətlərinin regional xüsusiyyətləri və bir sıra digər məsələlər müzakirə ediləcək.
Bölmənin digər xəbərləri
