Musa Qasımlı: Azərbaycan modernləşmə yolu ilə irəliləyir
Bakı, 26 oktyabr, AZƏRTAC
Azərbaycanın daha güclü və qüdrətli olması, təhlükəsizliyinin təmin edilməsi üçün etnik quruluş çox mühüm amildir.
AZƏRTAC xəbər verir ki, bunu Milli Məclisin Elm və təhsil komitəsinin sədr müavini, tarix elmləri doktoru, professor Musa Qasımlı “Böyük millət - güclü dövlət: müasir Azərbaycanın yeni ideoloji xətti” mövzusunda dəyirmi masada deyib.
Musa Qasımlı diqqətə çatdırıb ki, modernləşməyən dövlət məhvə məhkumdur. Azərbaycan məhz modernləşmə yolu ilə irəliləyir. Azərbaycan Prezidentinin vurğuladığı kimi, dövlətin, millətin güclü və qüdrətli olması üçün tələb edilən amillərdən biri də məhz budur.
Bildirilib ki, milli şüur, milli özünüdərk və milli hərəkat millətin formalaşmasında çox mühüm amillərdir.
"Böyük millət-güclü dövlət" ideologiyasının əhəmiyyətini qeyd edən Milli Məclisin deputatı ölkəmizin multikultural ənənələrindən də danışıb. O, Azərbaycanda yaşayan müxtəlif azsaylı xalqların bir nəfər kimi Vətən müharibəsinə qoşulduqlarını, mərdliklə mübarizə apardıqlarını vurğulayıb.
“Bizim dövlətin təməlində sabitlik dayanır. Bizə etnik deyil, dövlət milliyyətçiliyi lazımdır. Güclü hədəflərə çatmaq üçün güclü dövlət olmalıyıq. Güclü dövlətin güclü lideri də olur”, - deyə deputat qeyd edib.
Bölmənin digər xəbərləri
