“Müstəqillik yollarında” adlı sərgi açılıb
Bakı, 26 may, AZƏRTAC
Bakıda gənc rəssam Xəzangül Hüseynlinin Azərbaycan Xalq Cümhuriyyətinin 100 illik yubileyinə həsr edilən “Müstəqillik yollarında” adlı fərdi sərgisi açılıb.
AZƏRTAC xəbər verir ki, sərginin açılış mərasimində Azərbaycanın dövlət himni səsləndirilib.
Çıxışlarda müsəlman Şərqində ilk demokratik respublika olan Azərbaycan Xalq Cümhuriyyətinin tarixindən söhbət açılıb, onun müasir Azərbaycanın müstəqilliyi üçün zəmin yaratdığı qeyd edilib. Diqqətə çatdırılıb ki, Vətəninə və xalqına tükənməz sevgisi gənc rəssamın əsərlərində rəngarəng çalarlarla əksini tapıb. Rəssam rənglərin ecazkar dili ilə Azərbaycan xalqının milli xüsusiyyətlərini, adət-ənənələrini, məişət tərzini, psixologiyasını qabarıq əks etdirə bilib.
Tədbirin sonunda Xəzangül Hüseynli Bakı şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin xüsusi diplomu ilə mükafatlandırılıb.
Bölmənin digər xəbərləri
