Muxtar Babayev: İşğaldan azad olunmuş torpaqlarımızda müasir və böyük tinglik yaradılır VİDEO
Ağdam, 20 noyabr, Tahir Ağaməmmədov, AZƏRTAC
İşğaldan azad olunmuş torpaqlarımızda türk tərəfdaşlarımızla birlikdə müasir və böyük tinglik yaradılır. İnanırıq ki, bu cür tingliklər Qarabağ torpaqlarında yaşıllıqların bərpasına töhfə verəcək.
AZƏRTAC-ın bölgə müxbiri xəbər verir ki, bu sözləri Ağdamda keçirilən ağacəkmə aksiyasında ekologiya və təbii sərvətlər naziri Muxtar Babayev deyib.
Respublika üzrə böyük yaşıllaşdırma işlərinin aparıldığını bildirən nazir Ağdam şəhərində keçirilən ağacəkmə aksiyasının Ağdamın işğaldan azad olunmasının ildönümünə həsr olunduğunu söyləyib. “Şadıq ki, bu gün Ağdamdayıq, burada gözəl park salırıq. Əminəm ki, bu yerlər tezliklə yaşıllaşacaq və təbiətə töhfə olacaq”, - deyə Muxtar Babayev əlavə edib.
Bölmənin digər xəbərləri
