Myanmada avtomobil qəzası nəticəsində yeddi nəfər ölüb
Bakı, 15 fevral, AZƏRTAC
Myanmanın cənubundakı Mon əyalətində yük maşını və minik avtomobilinin toqquşması yeddi nəfərin həyatına son qoyub.
AZƏRTAC Sinxua agentliyinə istinadla xəbər verir ki, yerli vaxtla saat 11:30-da baş verən qəza nəticəsində “Probox” markalı avtomobil yük maşınının altında qalıb.
Xilasetmə xidmətinin məlumatına görə, minik avtomobilində olan yeddi nəfərin hamısı hadisə yerində ölüb. Cəsədlərin beşini yük maşını qaldırıldıqdan və minik avtomobilinin damı kəsildikdən sonra çıxarmaq mümkün olub.
Bölmənin digər xəbərləri
