“NARKOMANİYA VƏ QİÇS-Ə QARŞI MÜBARİZƏ MƏNƏVİYYATIN XİLASIDIR”
Bakı, 16 iyun (AZƏRTAC). Bu başlıq altında layihə Gənclər və İdman Nazirliyinin maliyyə dəstəyi ilə “Sağlam inkişaf və maarifləndirmə” ictimai birliyi tərəfindən həyata keçirilmişdir.
Nazirlikdən bildirmişlər ki, layihə çərçivəsində Şuşa 1 nömrəli orta məktəbdə, “Ramana 450” qəsəbəsində, Laçın rayonu 28 nömrəli saylı orta məktəb, Fatmayı qəsəbəsində yerləşən Şuşa 9 nömrəli orta məktəb, Pirşağı qəsəbəsindəki məcburi köçkün məktəbində, Ağcabədi rayonu Taxtakörpü qəsəbəsində məskunlaşmış Laçın rayonundan olan məcburi köçkün gənclər üçün treninqlər keçirilmişdir.
Təlimlərin açılışında çıxış edən birliyin sədri Anar Xəlilov sözügedən problemin dünya üçün yaratdığı acınacaqlı fəsadlarından danışaraq, təhlükəli vərdişlərin yeniyetmə gənclər arasında yayılma ehtimalını diqqətə çəkmişdir. Bununla yanaşı o, qorunma yolları ilə bağlı fikirlərini böluşmüşdür. Təbdirdə çıxış edən həkim və analitik psixoloq İbrahim Əsədli QİCS-in insanlar üçün təhlükəli bir xəstəlik olması barədə gənclərə ətraflı məlumat vermişdir.
Tədbirdə çıxış edənlər bu mövzunun cəmiyyət və gənclər üçün aktual olduğunu qeyd edərək, bu işdə hər kəsin mübarizə aparmalı olduğunu diqqətə çatdırmışlar.
Bölmənin digər xəbərləri
