“National Geographic Learning”in baş direktoru “Yeni çağırışlar”da
Bakı, 16 avqust, AZƏRTAC
Avqustun 23-də “Yeni çağırışlar” müzakirə proqramının növbəti buraxılışı yayımlanacaq.
Elm və Təhsil Nazirliyindən AZƏRTAC-a bildirilib ki, proqramın budəfəki buraxılışında “National Geographic Learning” Qlobal Tərəfdaşlıq Qrupunun baş direktoru Erik Qundersen qonaq olacaq. Onunla yaşıl təhsil barədə danışılacaq.
Proqram Elm və Təhsil Nazirliyinin rəsmi feysbuk səhifəsi üzərindən canlı yayımlanacaq.
Erik Qundersen Portuqaliyanın Lissabon şəhərindəki Amerika Dil İnstitutunda və Berkli Kaliforniya Universitetində müəllim işləyib. O, həmçinin bir sıra ölkələrin təhsil nazirlikləri üçün uğurlu layihələr həyata keçirib.
“National Geographic Learning” qlobal tərəfdaşlıq qrupu 133 ölkədə 90 milyondan çox insana xidmət göstərir. Qrupun məqsədi orijinal tədris materialları vasitəsilə şagird və tələbələri bilik və bacarıqlarla təmin etmək, onları gələcəyin liderləri olaraq hazırlamaqdır.
Bölmənin digər xəbərləri
