NATO Baş katibinin müavini Azərbaycanla Ermənistan arasında normallaşma prosesi barədə məlumatlandırılıb
Bakı, 10 fevral, AZƏRTAC
Azərbaycan Respublikasının NATO yanında Nümayəndəliyinin başçısı Cəfər Hüseynzadə NATO Baş katibinin müavini Mirça Ceoana ilə görüşüb.
Nümayəndəlikdən AZƏRTAC-a bildirilib ki, görüş zamanı NATO-Azərbaycan tərəfdaşlığı, Azərbaycanın beynəlxalq sülh və təhlükəsizlik, habelə enerji təhlükəsizliyinə verdiyi töhfələr ətrafında faydalı fikir mübadiləsi aparılıb.
Cəfər Hüseynzadə Azərbaycanla Ermənistan arasında normallaşma prosesi və regiondakı vəziyyət barədə Mirça Ceoanaya məlumat verib.
NATO Baş katibinin müavini Azərbaycan Prezidenti İlham Əliyevə səmimi salamlarını çatdırmağı xahiş edib.
Bölmənin digər xəbərləri
