NATO-nun Baş katibi Türkiyənin müdafiə sənayesini yüksək qiymətləndirib
Bakı, 24 iyun, AZƏRTAC
Çərşənbə axşamı, iyunun 24-də NATO-nun Baş katibi Mark Rutte Türkiyənin müdafiə sənayesi bazasını yüksək qiymətləndirib və bu ölkənin müdafiə sənayesinin Böyük Britaniya, Norveç və Avropa Birliyi ilə daha sıx bağlı olmasının vacibliyini qeyd edib.
AZƏRTAC xarici mediaya istinadla xəbər verir ki, Mark Rutte NATO-nun Haaqa İctimai Forumunda çıxışı zamanı deyib: “Türkiyənin çox böyük müdafiə sənayesi bazası var. Bəzən (biz) onlarda olanları unuduruq. Onların bəzi şirkətlərinə baş çəkdim, bu, həqiqətən təsiredicidir. Biz əmin olmalıyıq ki, Türkiyənin müdafiə sənayesi bazası Böyük Britaniya, Norveç və Avropa İttifaqı ilə mümkün qədər sıx bağlıdır”.
Baş katib müdafiə sahəsində əməkdaşlıq çərçivələrinə əsaslanaraq Alyans daxilində daxili parçalanma yaratmaq səylərinə qarşı xəbərdarlıq edərək deyib: “NATO daxilində bu hasarları çəkmək olmaz. Bunun heç kimə faydası olmayacaq”.
NATO-ya üzv olan 32 ölkənin liderləri iyunun 24-25-də Haaqada toplaşacaq. Bu kritik sammitdə müdafiə xərclərinin artırılması və Ukraynanın üzvlük istəyi ilə bağlı müzakirələr üstünlük təşkil edəcək.
Bölmənin digər xəbərləri
