NATO-NUN ŞƏRQƏ DOĞRU GENİŞLƏNMƏSİ DAVAM EDİR

29.03.2004 [21:56]
Çap et
A⁺ A^-

Martın 29-da Şərqi Avropanın 7 dövləti – Bolqarıstan, Rumıniya, Sloveniya, Slovakiya, Estoniya, Latviya, Litva rəsmi olaraq NATO-ya üzv qəbul edilmişdir. NATO-nun Brüsseldəki iqamətgahından yayımlanan məlumata görə, həmin ölkələrin dövlət və hökumət başçıları Vaşinqtonda, Ağ evdə ABŞ Prezidenti Corc Buşun yanında təntənəli qəbul zamanı Şimali Atlantika Müqaviləsi Təşkilatına qəbul olunmaq haqqında rəsmi ratifikasiya sənədlərini təqdim etmişlər.

Alyansa üzv qəbul olunmuş bu ölkələrin dövlət bayraqları aprelin 2-də NATO-nun Brüsseldəki iqamətgahı qarşısında keçiriləcək təntənəli mərasimdə qaldırılacaqdır.

Gələcəkdə NATO-ya daxil olmaq arzusunu bildirən Balkan respublikaları – Albaniya, Xorvatiya və Makedoniyanın nümayəndələri də qonaq statusu ilə mərasimə dəvət olunmuşlar.

Xatırladaq ki, bu, NATO-nun tarixində ikinci və ən böyük genişlənmədir. Bundan əvvəl, 1999-cu ildə Polşa, Çexiya və Macarıstan Şimali Atlantika Müqaviləsi Təşkilatına üzv qəbul edilmişlər.

NATO-NUN ŞƏRQƏ DOĞRU GENİŞLƏNMƏSİ DAVAM EDİR

MÜƏLLİFLƏ ƏLAQƏ

Bölmənin digər xəbərləri