Naxçıvan Muxtar Respublikası Ekologiya və Təbii Sərvətlər Nazirliyində müşavirə keçirilmişdir
Bakı, 30 avqust (AZƏRTAC). Naxçıvan Muxtar Respublikası (MR) Ekologiya və Təbii Sərvətlər Nazirliyində müşavirə keçirilmişdir.
Nazirlikdən AZƏRTAC-a bildirmişlər ki, müşavirədə Naxçıvan MR Ali Məclisində 2012-2013-cü illərin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədən irəli gələn məsələlər müzakirə edilmişdir.
Qeyd olunmuşdur ki, payız-qış mövsümündə ətraf mühitə artan təsirlərin, meşə ehtiyatlarından qanunsuz istifadənin və digər qanunazidd halların qarşısının alınması məqsədilə profilaktik tədbirlərin icra edilməsi üçün aidiyyəti hüquq-mühafizə orqanları ilə birgə xüsusi tədbirlər hazırlanmışdır.
Qış mövsümündə təbiət ərazilərinin qalın qar örtüyü ilə örtülməsi nəticəsində fauna ehtiyatlarının qismən qidaya olan tələbatını yaxşılaşdırmaq məqsədilə xüsusi mühafizə olunan təbiət ərazilərində - qoruq, milli park, yasaqlıqlarda biotexniki tədbirlərin icra edilməsi üçün hazırlıq işləri aparılır. Bu məqsədlə nazirliyin təsərrüfat sahələrindən toplanmış 150 kip qaba yem, 1 ton buğda, 1,5 tondan çox meyvə-tərəvəz məhsulları, 3 tondan artıq daş duz tədarükü edilmişdir.
Bölmənin digər xəbərləri
