NAXÇIVAN SƏRHƏDÇİLƏRİ BAYRAM EDİRLƏR
Bayram münasibətilə keçirilən mərasim iştirakçıları ümummilli lider Heydər Əliyevin büstünün önünə gül dəstələri düzmüş, ulu öndərin xatirəsini ehtiramla yad etmişlər.
Ulu öndərin və torpaqlarımızın müdafiəsi, dövlətçiliyimizin qorunması uğrunda canlarından keçən mərd oğullarımızın xatirəsi bir dəqiqəlik sükutla yad edilmiş, hərbi hissənin döyüş bayrağı meydana gətirilmişdir.
“Naxçıvan” Sərhəd Diviziyasının komandiri, general-mayor Məhəmməd Abbasquliyev şəxsi heyəti təbrik etmiş, ilk milli Naxçıvan Sərhəd Dəstəsinin yaranma tarixi, bu sahədə ulu öndər Heydər Əliyevin göstərdiyi misilsiz xidmətlərdən danışmışdır.
Tədbirdə çıxış edənlər ötən dövr ərzində sərhəd qoşunlarının maddi-texniki bazasının möhkəmləndirilməsi, əsgər və zabitlərin şəraitinin yaxşılaşdırılması istiqamətində həyata keçirilən tədbirləri xatırlatmışlar.
Sərhədçilərə “Sərhəddə fərqlənməyə görə”, “Hərbi xidmətdə fərqlənməyə görə”, “Silahlı Qüvvələrin 10 illik yubileyi”, III dərəcəli “Qüsursuz xidmətə görə” medalları təqdim olunmuşdur.
Mərasim nümunəvi çıxışla başa çatmışdır.
