NAXÇIVANDA TURAN CAVİDİN XATİRƏSİ ANILMIŞDIR

15.09.2006 [13:02]
Çap et
A⁺ A^-

AZƏRTAC-ın müxbiri xəbər verir ki, Cavidlər ailəsinin son nümayəndəsi Turan Cavidin vəfatının 2-ci ildönümü ilə əlaqədar Naxçıvanda anma mərasimi keçirilmişdir.

Mərasim iştirakçıları əvvəlcə Hüseyn Cavidin məqbərəsini ziyarət etmişlər.

Tədbir şairin ev-muzeyində davam etdirilmişdir. Muzeyin direktoru Bəhruz Axundov giriş sözündə Turan Cavidin Azərbaycanın ictimai fikir tarixində, Azərbaycan mədəniyyətinin inkişafında xidmətlərindən danışmışdır.

Naxçıvan Muxtar Respublikası Mədəniyyət və Turizm Nazirliyinin şöbə müdiri Zakir Məsiyev, yazıçı Əbülfəz Əsgərli, əməkdar mədəniyyət işçisi Arif Qədimov, “Xatirə” muzeyinin direktoru Nailə Mirzəyeva, xalq artisti Həsən Ağasoy çıxış etmişlər.

Sonda Turan Cavidin xalq rəssamı Ömər Eldarov tərəfindən hazırlanmış büstü açılmışdır.