Nazir: Azərbaycanın azad edilmiş əraziləri insan mərkəzli şəhərsalma prinsipləri əsasında qurulur
Bakı, 19 may, AZƏRTAC
Nəqliyyat dəhlizləri, infrastruktur və urban inkişaf bir-biri ilə sıx bağlıdır. Müasir nəqliyyat dəhlizləri məskunlaşma proseslərinə, sənaye inkişafına, əmək mobilliyinə, investisiya hədəflərinə, mənzil tələbatına və iqlim dayanıqlılığına eyni vaxtda təsir göstərir.
AZƏRTAC xəbər verir ki, bunu Azərbaycanın xarici işlər naziri Ceyhun Bayramov Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Əlaqələndirmənin mərkəzində şəhərlər: şəhər yenidənqurması və regional əməkdaşlıq” mövzusunda tədbirdə deyib.
Ceyhun Bayramov qeyd edib ki, davamlı və düzgün planlaşdırılmış şəhərlər uzunmüddətli iqtisadi və sosial faydaların təmin olunması baxımından mühüm əhəmiyyət daşıyır.
O vurğulayıb ki, Azərbaycan azad edilmiş ərazilərdə genişmiqyaslı yenidənqurma və bərpa işləri həyata keçirir. Nazirin sözlərinə görə, şəhər, qəsəbə və kəndlər davamlılıq, “ağıllı” idarəetmə, yaşıl enerji, iqlim dayanıqlılığı və insan mərkəzli şəhərsalma prinsipləri əsasında yenidən qurulur.
Bölmənin digər xəbərləri
