İQTİSADİYYAT
Nazir: Bakı bulvarının uzadılması planlaşdırılır
![Nazir: Bakı bulvarının uzadılması planlaşdırılır](/files/2023/3/1200x630/16960680673133722721_1200x630.jpg)
Bakı, 30 sentyabr, AZƏRTAC
Bakı şəhərinin yaşıllıqları xeyli artırılacaq. Həmçinin Bakı bulvarının uzadılması planlaşdırılır.
AZƏRTAC-ın xəbərinə görə, bu barədə ekologiya və təbii sərvətlər naziri Muxtar Babayev məlumat verib.
Nazir qeyd edib ki, Bakı bulvarının uzunluğu 2040-cı ilə qədər, yüksəkkeyfiyyətli ictimai yaşıllaşdırma ilə 25 kilometrdən çox olacaq.
Yaşayış məntəqələrinin layihələndirilməsi zamanı yaşıllıq faizi ayrılmış ərazinin minimum 40 faizini, mövcud yaşayış yerləri yenidən qurularkən minimum 25 faizini təşkil etməlidir:
“Bunun təmin edilməsi mümkün olmadıqda, həmsərhəd və ya yaxın sahələrdə nəzərdə tutulmuş digər layihələr hesabına ümumi yaşıllıq balansı təmin edilməlidir”.