Nazir müavini: Rasim Balayev hər birimizin qəlbində dərin izlər qoyan böyük sənətkar idi

29.03.2026 [21:11]
Çap et
A⁺ A^-

İstanbul, 29 mart, AZƏRTAC

Azərbaycan mədəniyyət nazirinin müavini Murad Hüseynov Xalq artisti Rasim Balayevin İstanbulda dünyasını dəyişdiyi xəstəxananı ziyarət edib, sənətkarın ailə üzvləri ilə görüşüb.

AZƏRTAC-a açıqlama verən Murad Hüseynov Rasim Balayevin vəfatının Azərbaycan mədəniyyəti üçün böyük itki olduğunu bildirib.

O deyib: “Rasim Balayev yaratdığı obrazlarla hər birimizin qəlbində dərin izlər qoyan böyük sənətkar idi. Bu gün burada dahi sənətkarımızın ailə üzvləri ilə görüşdük, nazirimizin başsağlığını çatdırdıq. Xalq artistimizin cənazəsinin Azərbaycana aparılması üçün dövlətimiz tərəfindən bütün tədbirlər görülüb. Azərbaycanın İstanbuldakı baş konsulluğunun, Türkiyədəki səfirliyimizin koordinasiyası ilə bu işlər davam edir. Rasim Balayevin cənazəsinin bu gün axşam reysi ilə Vətənə göndərilməsi nəzərdə tutulur”.

_{Günel Karatepe}

_{AZƏRTAC-ın xüsusi müxbiri}

_İstanbul