NAZİR QARABAĞ BÖLGƏSİNDƏ OLMUŞDUR
Nazir Tərtər rayonunda keçirilən əmək yarmarkasında iştirak etmiş, ünvanlı sosial yardım sisteminin tətbiqi sahəsində görülən işlərlə, müharibə əlilləri və şəhid ailələri üçün inşa olunan və ilin sonunadək istifadəyə verilməsi nəzərdə tutulan 16 mənzilli yaşayış binasında tikinti işlərinin gedişi ilə maraqlanmışdır.
Ağcabədi rayonunda olan nazirliyin nümayəndələri ünvanlı sosial yardımın təyin edilməsi ilə məşğul olan komissiyanın işində iştirak etmişlər. Vətəndaşlar onlara göstərilən diqqət və qayğıya görə Prezident İlham Əliyevə dərin minnətdarlıqlarını bildirmişlər. Nazirliyin əməkdaşları ünvanlı dövlət sosial yardımı təyin edilmiş 3 ailədə olmuşlar.
Ağdam rayonunda da sosial müdafiə işinin təşkili yüksək qiymətləndirilmişdir.
Füzuli Ələkbərov adıçəkilən rayonlarda tibbi-sosial ekspertiza işinin təşkili, əlillərin sosial müdafiəsi, əmək hüquqlarının qorunması və digər sahələrdə görülən işlərlə yaxından tanış olmuş, mövcud nöqsanların aradan qaldırılması ilə bağlı müvafiq tapşırıqlar vermişdir.
Bölmənin digər xəbərləri
