Nazirlik ekoloji qanunvericiliyin tələblərinə riayət olunması vəziyyətini araşdırıb
Bakı, 10 mart, AZƏRTAC
Fevralın 16-dan 28-dək ölkə ərazisində su və torpaq ehtiyatlarının, atmosfer havasının, yerin təkinin, fauna və floranın mühafizəsi, o cümlədən ətraf mühitə qanunsuz məişət və istehsalat tullantılarının yerləşdirilməsi sahəsində yol verilmiş qanun pozuntularına görə 170 akt və protokol tərtib olunub.
Ekologiya və Təbii Sərvətlər Nazirliyinin Ətraf Mühitin Mühafizəsi Departamentindən AZƏRTAC-a verilən məlumata görə, nöqsanların aradan qaldırılması üçün icrası məcburi olan 96 müddətli “məcburi göstəriş” verilib. Ümumilikdə 32 iş üzrə 42000 manat məbləğində cərimə tətbiq edilib, ətraf mühitə dəymiş ziyana görə 22 iş üzrə 5325.51 manat məbləğində iddia qaldırılıb. Ətraf mühitə tullantıların atılmasına və axıdılmasına görə hüquqi və fiziki şəxslərə 1089 iş üzrə 207508 manat məbləğində ödəmə tətbiq edilib.
Tədbir görülməsi üçün hüquq mühafizə orqanlarına 10, icra qurumlarına 28, məhkəmələrə isə 4 iş göndərilib.
Bölmənin digər xəbərləri
