Nəqliyyat vasitəsindən aksiz markası olmayan siqaretlər aşkarlanıb
Bakı, 29 iyul, AZƏRTAC
Naxçıvan Baş Gömrük İdarəsinin “Culfa” gömrük postunda “Renault” markalı yük nəqliyyat vasitəsinə gömrük nəzarəti həyata keçirilən zaman şübhəli təsvirlər müşahidə olunduğu üçün avtomobil əsaslı yoxlamaya cəlb edilib.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, yoxlama zamanı yük nəqliyyat vasitəsinin qoşqu hissəsinin arxasında yerləşən su çəninin içərisində gizlədilmiş, aksiz markası ilə markalanmayan 1060 qutu (21 min 200 ədəd) “Kent Nanotek 2.0” markalı siqaret aşkar edilib. Faktla bağlı araşdırma aparılır.
Bölmənin digər xəbərləri
