Nərə cinsli balıqların artırılması Azərbaycan dövlətinin prioritetlərindəndir
Bakı, 18 fevral, AZƏRTAC
Hazırda ölkəmizdə balıq ehtiyatlarının artırılması ilə 12 balıqartırma müəssisəsi məşğul olur. Bunlardan 4-ü nərə, 3-ü qızılbalıq və forel, 5-i isə çəkikimi balıq körpələrinin artırılması üzrə ixtisaslaşıb.
Ekologiya və Təbii Sərvətlər Nazirliyinin mətbuat xidmətindən AZƏRTAC-a verilən məlumata görə, bu müəssisələrdə 2001-ci ildən sonrakı dövr ərzində 5,5 milyarddan artıq balıq körpələri, o cümlədən 131,0 mln. ədəd nərəkimi, 1,637 mln. ədəd qızılbalıq, 5375,0 mln. ədəd çəkikimi balıq körpələri artırılıb təbii su hövzələrinə buraxılıb. Görülən işlər balıq ehtiyatlarının qorunub saxlanılmasına və xammal bazasının formalaşmasına yönəlib.
Xəzər dənizinin strateji bioloji resursu olan nərə cinsli balıqların artırılması Azərbaycan dövlətinin prioritetlərindəndir. ETSN-ə məxsus müasir infrastruktur və kadr potensialı uğurla bu məqsədə çatmağa imkan verir.
Bölmənin digər xəbərləri
