NHK: Tayvanın şərq sahillərində güclü zəlzələdən sonra sunami Yonaquni adasına çatıb
Bakı, 3 aprel, AZƏRTAC
Tayvanın şərq sahillərində 7,3 bal gücündə güclü zəlzələdən sonra Yaponiyanın Yonaquni adasının sahillərinə hündürlüyü 0,3 m olan sunami çatıb.
AZƏRTAC xəbər verir ki, bu barədə NHK telekanalı məlumat yayıb.
Məlumata görə, dalğanın hündürlüyünün arta biləcəyi barədə xəbərdarlıq edilib.
Bundan əvvəl Yaponiya Milli Meteorologiya İdarəsi Okinava prefekturasına daxil olan adaların sahillərini vura biləcək sunami təhlükəsi ilə bağlı xəbərdarlıq etmişdi.
Bölmənin digər xəbərləri
