Nizami Kino Mərkəzində “My name is İntiqam” filminin qala-gecəsi
Bakı, 28 noyabr, AZƏRTAC
Noyabrın 28-də Nizami Kino Mərkəzində “My name is İntiqam” milli komediya filminin qala-gecəsi keçiriləcək.
Kino mərkəzinin mətbuat xidmətindən AZƏRTAC-a bildirilib ki, filmin rejissoru Emil Abdullayevdir.
Bol-bol gülüş vəd edən baş rolun ifaçısı aktyor Müşviq Şahverdiyev filmin “bu vaxta kimi çəkilən komediyaların arasında bir nömrəli film” olacağını söyləyib.
Qala-gecəsində rejissor Emil Abdullayev, ssenari müəllifi Fariz Əliyev, aktyorlar Müşviq Şahverdiyev, İlkin Misgərli, Teymur Məmmədov, Aysel Bayramova və yaradıcı qrupun digər üzvləri iştirak edəcəklər.
Tədbir haqqında geniş məlumatı Nizami Kino Mərkəzinin “facebook” səhifəsindən öyrənmək mümkündür.
Bölmənin digər xəbərləri
