“NTD-İndiqo”nun basketbolçusu: İstənilən rəqibi məğlub edə bilərik
Bakı, 15 dekabr, AZƏRTAC
“Hazırda çox yaxşı formada olduğumuzu düşünürəm”.
AZƏRTAC xəbər verir ki, bu sözləri “NTD-İndiqo”nun basketbolçusu Daniel Vestbruk Azərbaycan çempionatının VIII turunda “Cəlilabad”a qarşı keçirəcəkləri oyun barədə klubun mətbuat xidmətinə açıqlamasında deyib.
ABŞ-dan olan oyunçu görüşə ciddi hazırlaşdıqlarını bildirib: “Hər zaman olduğu kimi, qarşıdakı oyundan qələbə gözləyirik. Düşünürəm ki, komanda yaxşı hazırlaşıb və oyuna tam hazırdır. Bu mövsüm “Cəlilabad”ın bir neçə oyununu izlədim. Nəticələri hələ istənilən səviyyədə olmasa da, çox təhlükəli komandadır”.
D.Vestbruk ölkə çempionatındakı bütün kollektivləri məğlub etmək gücündə olduqlarını söyləyib: “Komandamız oyundan-oyuna artırır. Liqada həqiqətən güclü komandalar çoxdur. Ancaq bütün gücümüzlə oynasaq, istənilən rəqibi məğlub edə bilərik.
“NTD-İndiqo” klubuna transferindən də söz açan basketbolçu Azərbaycana gəlməzdən əvvəl onu hansı sürprizin gözlədiyini bilmədiyini vurğulayıb: “Özümə qarşı tələbkaram. Həmişə tam gücümlə oynayıram və komandanın qalib gəlməsi üçün əlimdən gələni edirəm”.
Qeyd edək ki, “NTD-İndiqo” - “Cəlilabad” qarşılaşması dekabrın 17-də keçiriləcək.
Bölmənin digər xəbərləri
