NYU-YORKDA RESPUBLİKAÇILAR PARTİYASININ QURULTAYI BAŞA ÇATDI
Ağ evin indiki sahibi C.Buş və onun seçkiqabağı mübarizədəki həmkarı, Amerikanın bütün tarixi ərzində ən nüfuzlu vitse-prezident hesab olunan R.Çeyni forumda çıxış edərək, ikinci dördillik müddətə səsə qoyulmağa rəsmən razılıq vermişlər. Buş özünün seçkiqabağı platformasını da şərh etmiş və terrorizmlə qəti mübarizəni davam etdirməyə, milli təhlükəsizliyi möhkəmləndirməyə hazır olduğunu bildirmişdir.
Qurultayın uğurlu olub-olmayacağını bu yaxınlarda keçiriləcək ictimai rəy sorğusunun nəticələri göstərəcəkdir. Araşdırmalara görə, seçkiqabağı marafonda hələlik Buş və Kerri eyni səviyyədədirlər. Ekspertlər hesab edirlər ki, sentyabrın axırında onların arasında keçiriləcək bir neçə teledebat bu mübarizənin hansı istiqamətdə davam edəcəyini göstərəcəkdir.
Bölmənin digər xəbərləri
