Oğuzda 2 minədək fermer elektron sistem üzərindən subsidiya alıb
Oğuz, 16 mart, Mustafa Dadaşov, AZƏRTAC
Oğuz rayonu üzrə payızlıq əkinlə məşğul olan 2 minədək fermer bu günədək elektron sistem üzərindən “Fermer kartı” vasitəsilə subsidiya alıb.
Bu barədə AZƏRTAC-ın bölgə müxbirinə Oğuz Dövlət Aqrar İnkişaf Mərkəzinin direktor müavini Akif Adıgözəlov məlumat verib.
Qurum rəsmisi bildirib ki, Oğuz rayonunda indiyədək elektron sistemdə 6 min 717 fermer öz fərdi identifikasiya nömrəsi ilə qeydiyyatdan keçib. Onlardan 5 min 212 nəfəri payızlıq əkinlərini bəyan edib. İndiyədək 3 min 666 fermerin kartına subsidiya köçürülüb. 1994 fermer “Kapital Bank”ın rayon filialından “Fermer kartı”nı götürərək, subsidiya vəsaitindən istifadə edib.
Fermerlərin payızlıq əkin bəyanlarının yoxlanılması, kartların paylanması və subsidiyaların “Fermer kart”larına köçürülməsi prosesi davam edir.
Bölmənin digər xəbərləri
