Oktyabrın 13-də Bakı və Sumqayıtın atmosfer havasında toz müşahidə edilməmişdir
Bakı, 13 oktyabr (AZƏRTAC). Ekologiya və Təbii Sərvətlər Nazirliyinin əməkdaşları oktyabrın 13-ü üçün iri sənaye şəhərlərində atmosfer havasının gözlənilən çirklənmə vəziyyətini təhlil etmişlər.
Nazirliyin mətbuat xidmətindən AZƏRTAC-a bildirmişlər ki, tozun miqdarı yalnız Mingəçevirdə 0,5-1,0 milliqram/kubmetr olmaqla, yol verilən qatılıq həddini (0,5 milliqram/kubmetr) keçmişdir. Gəncə və Naxçıvanda tozun səviyyəsi norma daxilində dəyişmiş, Bakı, Sumqayıt, Şirvan və Şəki şəhərlərində bu zərərli maddə, ümumiyyətlə müşahidə olunmamışdır.
Eyni zamanda, atmosfer havasının əsas çirkləndiricilərindən kükürd və dəm qazı bütün şəhərlərdə normadan aşağı olmuş, his qeydə alınmamışdır.
Bölmənin digər xəbərləri
