ÖLKƏ ƏHALİSİNİN SAYI ARTMAQDA DAVAM EDİR
Hesablamalara görə 2004-cü ilin mart ayının əvvəllinə ölkə əhalisinin sayı 8 milyon 277 min nəfər olmuş və cari ilin 2 ayı ərzində 11,6 min nəfər və yaxud 0,14 faiz artmışdır.
Milli Məclisin sosial siyasət daimi komissiyasından AZƏRTAC-a bildirmişlər ki, bu ilin ilk iki ayı ərzində ölkədə 21,3 min doğum və 9,5 min ölüm qeydə alınmışdır. 2003-cü ilin müvafiq dövrü ilə müqayisədə əhalinin hər min nəfərinə hesabı ilə doğulanların sayı 15,6-dan 16,0-a qədər artmışdır.
2004-cü ilin ilk günlərində ölkədə 8,2 min nikah və 1,0 min boşanma qeydə alınmışdır. Bu göstəricilər ötən ilin müvafiq dövrü səviyyəsində qalmışdır.
Bölmənin digər xəbərləri
