Ölkəmizdə xüsusi razılıq əsasında fəaliyyət göstərən mehmanxanaların sayı 321-ə çatıb
Bakı, 31 mart, AZƏRTAC
Azərbaycan Respublikası Prezidentinin müvafiq Fərmanı ilə təsdiq olunmuş “Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında qaydalar”a və Azərbaycan Respublikası Nazirlər Kabinetinin “Azərbaycan Respublikası Nazirlər Kabinetinin bəzi qərarlarına əlavələr edilməsi barədə” Qərarına uyğun olaraq, Mədəniyyət və Turizm Nazirliyi tərəfindən cari ilin mart ayında 3 mehmanxanaya mehmanxana və mehmanxana tipli obyektlərin fəaliyyətinə dair xüsusi razılıq verilib.
Nazirlikdən AZƏRTAC-a bildirilib ki, bunlar “Marine Plaza” Məhdud Məsuliyyətli Cəmiyyətinə məxsus “Holiday İnn Baku” mehmanxanası, fiziki şəxs Şamxalov Vüqar Nizami oğluna məxsus “Farley” istirahət mərkəzi və “NB Əmlak və Turizm” Məhdud Məsuliyyətli Cəmiyyətinə məxsus “Şirvan” mehmanxanasıdır. Bununla da ölkəmizdə xüsusi razılıq əsasında fəaliyyət göstərən mehmanxanaların sayı 321-ə çatıb.
Bölmənin digər xəbərləri
