On səkkiz ildir ki, Cəbrayıl rayonunun təbii sərvətlərini ermənilər talan edirlər
Bakı, 23 avqust (AZƏRTAC). Azərbaycanın füsunkar təbii gözəlliyi və sərvətləri ilə seçilən Cəbrayıl rayonunun işğalından 18 il ötür.
Ekologiya və Təbii Sərvətlər Nazirliyinin mətbuat xidmətindən AZƏRTAC-a verilən məlumatda bildirilir ki, rayonun 104 min 980 hektar sahəsi 1993-cü il avqustun 23-də erməni silahlı birləşmələri tərəfindən zəbt olunmuşdur. Bundan başqa, Cəbrayılın qiymətli ağac növləri ilə zəngin meşələri, böyük ehtiyatlara malik yeraltı sərvətləri, qeyri-adi flora və faunası ilə seçilən Diridağın əsrarəngiz təbiət guşələri, mineral su mənbələri erməni işğalçıları tərəfindən məhv edilmişdir. Eyni zamanda, 2006-2007-ci illərdə ermənilər tərəfindən rayonun 16 min hektardan artıq ərazisində yanğınlar törədilmişdir.
Cəbrayıl rayonundakı Tulus tuf, Soltanlı tikinti qumu, Qaracallı gil, Göyərçin-Veysəlli vulkan külü, Minbaşlı gəc, Ağtəpə əhəngdaşı, Cəfərabad qum-çınqıl qarışığı, Sahverdi yəşəm və Çaxmaqqaya xalsedon yataqları, təbiət abidəsi kimi qorunan 200-1600 yaşlı 14 Şərq çinarı, həmçinin “Divlər sarayı” mağarası işğal altındadır.
Bölmənin digər xəbərləri
