Ötən on il ərzində bir milyondan çox panqolin qanunsuz olaraq ovlanıb
Bakı, 12 dekabr, AZƏRTAC
Dünyanın ən çox satılan məməliləri olan panqolinlərin nəslinin tükənməsi təhlükəsi var.
AZƏRTAC Dünya Vəhşi Təbiəti Müdafiə Fondunun rəsmi saytına istinadla xəbər verir ki, ötən on il ərzində Çin və Vyetnamda 1 milyondan çox panqolin qeyri-qanuni olaraq ovlanıb.
Tədqiqatlar nəticəsində məlum olub ki, 2011-2013-cü illər ərzində 234 minə qədər panqolin məhv edilib. Afrika və Asiya qitələrində 8 növü yaşayan bu heyvanlar dünyada yeganə pulcuqlu məməlilərdir.
Bu heyvanların qorunması CİTES - “Kökünün kəsilməsi təhlükəsi olan vəhşi fauna və yabanı flora növlərinin beynəlxalq Ticarət Konvensiyası” ilə tənzimlənir.
Bölmənin digər xəbərləri
