OTÜSTÜ XOKKEYÇİLƏRİMİZ AVROPA ÇEMPİONATINDA SON OYUNU RUSİYA KOMANDASINA QARŞI KEÇİRƏCƏKLƏR
Sentyabrın 12-də Azərbaycanın otüstü xokkey üzrə qadınlardan ibarət yığma komandası Barselonada keçirilən Avropa çempionatında son görüşünü oynayacaqdır. Doqquzuncu yer uğrunda mübarizədə qızlarımızın rəqibi Rusiya komandası olacaqdır.
Azərbaycan Otüstü Xokkey Federasiyasının mətbuat xidmətindən AZƏRTAC-ın müxbirinə bildirmişlər ki, sentyabrın 10-da komandamız Uels xokkeyçiləri ilə gərgin mübarizə şəraitində keçən oyunda 1:2 hesabı ilə uduzmuşlar.
Xatırladaq ki, komandamız Barselonada ilk oyunu məhz rusiyalılarla keçirmişdir. Qrup mərhələsinin bu görüşü 1:1 hesabı ilə başa çatmışdır.
Bölmənin digər xəbərləri
