“OZAN” AZƏRBAYCAN HAQQINDA HƏQİQƏTLƏRİ YAYIR
Mərkəzin rəhbəri Rafael Quliyev AZƏRTAC-ın müxbirinə demişdir ki, qurum Ümumrusiya Azərbaycanlıları Konqresinin ayrılmaz tərkib hissəsidir, bütün tədbirlərini onunla əlaqələndirir. Başlıca məqsədimiz ümummilli liderimiz Heydər Əliyevin irəli sürdüyü Azərbaycançılıq ideologiyasına töhfə verməkdir. Müstəqil Azərbaycanın iqtisadi uğurları, əhalinin sosial vəziyyətinin yaxşılaşdırılması istiqamətində ölkə rəhbərliyinin atdığı addımlar, beynəlxalq maliyyə qurumları ilə birgə reallaşdırılan layihələr barədə həqiqətləri geniş ictimaiyyətə çatdırır, tarixi düşmənlərimizin Vətənimizin nüfuzuna xələl gətirən uydurmalarını ifşa edirik.
Çelyabinsk vilayəti ilə Azərbaycan arasında iqtisadi əlaqələr yaratmağa çalışırıq. Məqsədimizi qubernator da dəstəkləmiş və Azərbaycanın müvafiq orqanlarına məktub göndərmişdir. Bu ilin birinci rübündə Çelyabinsk iş adamları Bakıya səfər edəcəklər.
Aylıq “Ozan” qəzeti fəaliyyətimizin səmərəsini daha da artırır. “Dostluğun ipək yolu” kitabını rus dilində çap etdirmişik. Kitabda xalq diplomatiyası mövzusuna geniş yer verilmişdir.
Bölmənin digər xəbərləri
