Özbəkistanda 20 Yanvar faciəsinin ildönümü ilə əlaqədar anım mərasimi keçiriləcəkdir
Daşkənd, 13 yanvar (AZƏRTAC). Azərbaycanın Özbəkistandakı səfirliyi Heydər Əliyev adına Azərbaycan Mədəniyyət Mərkəzi ilə birgə 20 Yanvar faciəsinin 24-cü ildönümü ilə əlaqədar anım mərasimi keçirəcəkdir.
Tədbirdə Özbəkistanın elm, mədəniyyət və incəsənət xadimləri, Nizami Gəncəvi adına Daşkənd Dövlət Pedaqoji Universitetinin professor-müəllim heyəti, Azərbaycan diasporunun üzvləri, jurnalistlər iştirak edəcəklər.
Anımda 20 Yanvar faciəsinin yaranma səbəbləri haqqında iştirakçılara məlumat veriləcək, qanlı gecədən bəhs edən sənədli film nümayiş olunacaqdır. Həmçinin 20 Yanvar faciəsi və Ermənistan-Azərbaycan, Dağlıq Qarabağ münaqişəsi ilə bağlı çap edilmiş kitabların sərgisi keçiriləcəkdir.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
