Ozon təbəqəsinin dağılması flora və faunanın məhvinə səbəb olur
Bakı, 16 sentyabr (AZƏRTAC). Ozon qatı Günəşdən gələn ultrabənövşəyi şüaları udur, onların Yer səthinə çatmasına mane olur. İnsanların təsərrüfat fəaliyyəti nəticəsində atmosferdə ozondağıdıcı maddələrin (ODM) miqdarın səviyyəsi daha da artmaqdadır.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirmişlər ki, ozon təbəqəsinin müşahidəsi ilə ABŞ-ın Milli Aeronavtika və Kosmos Agentliyi (NASA), Dünya Meteorologiya Təşkilatı, həmçinin Kanada, Böyük Britaniya, Yeni Zelandiya və s. ölkələrin elmi müəssisələri məşğul olurlar.
Ozon təbəqəsinin dağılması ekvator zonasında flora və faunanın məhvinə, eləcə də insan və heyvanların immun sisteminin zəifləməsi nəticəsində müxtəlif xəstəliklərin yaranmasına gətirib çıxarır.
Ozonun ümumi miqdarının azalması nəticəsində son yüz ildə Yer kürəsində orta illik temperatur 0,8 dərəcə, okean sularının səviyyəsi 15-17 santimetr artmışdır.
Bölmənin digər xəbərləri
