Pakistanda otelə silahlı hücum olub, azı 5 nəfər qətlə yetirilib
Bakı, 12 may, AZƏRTAC
Pakistanın Qvadar şəhərində silahlı şəxslərin beşulduzlu "Pearl Continental Hotel"ə hücumu nəticəsində azı 5 nəfər qətlə yetirilib.
AZƏRTAC TASS agentliyinə istinadla xəbər verir ki, ölənlər arasında təhlükəsizlik qüvvələrinin 3 əməkdaşı da var.
Bildirilir ki, görülən təxirəsalınmaz tədbirlər nəticəsində bütün müştərilər ərazidən təxliyə edilib. Bundan sonra təhlükəsizlik qüvvələri xüsusi əməliyyat keçiriblər. Əməliyyat nəticəsində 3 silahlı şəxs zərərsizləşdirilib.
Bölmənin digər xəbərləri
