Pakistanlı alim AMEA ilə Pakistan Ədəbiyyat Akademiyası arasında əlaqələri yüksək qiymətləndirib
Bakı, 17 dekabr, AZƏRTAC
Azərbaycan çox gözəl ölkədir. Paytaxtınızda olan gözəllik, insanların qonaqpərvərliyi, səmimiliyi və mehribanlığı bu şəhəri mənə çox sevdirdi. Bu gözəlliyi görməyə imkanım olduğu üçün şadam.
AMEA-dan AZƏRTAC-a bildirilib ki, bu sözləri “Asiya xalqları ədəbiyyatı: ənənələr və müasir tendensiyalar” mövzusunda beynəlxalq elmi konfransın iştirakçısı, Pakistan Ədəbiyyat Akademiyasının prezidenti professor Najeeba Arif deyib.
Professor Najeeba Arif qeyd edib ki, Azərbaycan bir çox sivilizasiyaların və mədəniyyətlərin qovuşduğu məkandır.
Pakistanlı alim Asiya xalqları ədəbiyyatına həsr olunan beynəlxalq konfransın ölkələr arasında elmi-ədəbi əməkdaşlığın möhkəmləndirilməsinə töhfə verəcəyini bildirib.
Professor Najeeba Arif rəhbərlik etdiyi qurumla AMEA arasında qarşılıqlı səmərəli əlaqələrdən də bəhs edərək, AMEA-nın prezidenti akademik İsa Həbibbəylinin “Ön söz”ü və ideya müəllifliyi ilə Pakistanda “Kitabi-Dədə Qorqud” eposunun urdu dilində nəşr olunduğunu diqqətə çatdırıb.
Bölmənin digər xəbərləri
