PEKİNDƏ OLİMPİADANIN QONAQLARINA VELOSİPED VERİLƏCƏK
AZƏRTAC İTAR-TASS-a istinadla xəbər verir ki, Pekinin hökümət orqanları 2008-ci il Olimpiadasının qonaqlarına azı 50 min velosiped verməyi vəd etmişlər. Gələn ilin avqustunda Çinin paytaxtında 230 velosiped prokatı məntəqəsi olacaqdır. Məntəqələr, əsasən olimpiya obyektlərinin, metro stansiyalarının, hotellərin, supermarketlərin, iri ofis binalarının yanında və əcnəbilərin sıx yaşadıqları məhəllələrdə yerləşəcəkdir. Onların birində alınmış velosipedi şəhərin turist üçün rahat olan hissəsində hər hansı digər prokat məntəqəsinə qaytarmaq olar. Yerli hakimiyyət orqanları əmindirlər ki, Olimpiya oyunları qonaqlarının velosipedlərlə hərəkət etməsi Pekində tıxacların azalmasına səbəb olacaq, o cümlədən paytaxtda təmiz və saf havanı qoruyub saxlamağa imkan yaradacaqdır.
Bölmənin digər xəbərləri
