İQTİSADİYYAT
Peşə Təhsil Mərkəzi Macarıstan şirkəti ilə əməkdaşlıq edəcək
![Peşə Təhsil Mərkəzi Macarıstan şirkəti ilə əməkdaşlıq edəcək](/files/2023/1/1200x630/16777598702562853355_1200x630.png)
Bakı, 2 mart, AZƏRTAC
İqtisadi Zonaların İnkişafı Agentliyinin (İZİA) Peşə Təhsil Mərkəzi ilə Macarıstanın “Vibrocomp International” MMC arasında əməkdaşlığa dair Anlaşma Memorandumu imzalanıb.
İZİA-dan AZƏRTAC-a bildirilib ki, memorandumu Peşə Təhsil Mərkəzinin direktoru Yadullah Babayev və “Vibrocomp International” MMC-nin icraçı direktoru Pal Zoltan Bite imzalayıblar. İZİA-nın Peşə Təhsil Mərkəzində keçirilmiş görüş çərçivəsində imzalanmış memoranduma əsasən qarşılıqlı əməkdaşlıq əlaqələrinin qurulması, ətraf mühitin mühafizəsi ilə bağlı birgə təlimlərin keçirilməsi və beynəlxalq təcrübənin öyrənilməsi, ikitərəfli səfərlərin təşkili və s məsələlərin həyata keçirilməsi nəzərdə tutulur.
Qeyd edək ki, “Vibrocomp International” MMC Macarıstanın ətraf mühit və mülki mühəndislik sahəsi üzrə konsultant şirkətidir.