PİNOÇET MƏHKƏMƏ QARŞISINDA CAVAB VERƏCƏK

27.08.2004 [15:06]
Çap et
A⁺ A^-

AZƏRTAC-ın xarici informasiya agentliklərindən aldığı xəbərdə deyilir ki, Çilinin 88 yaşlı keçmiş diktatoru Auqusto Pinoçet bəşəriyyətə qarşı törətdiyi cinayətlərə görə məhkəmə qarşısında cavab verməli olacaqdır. Bu cinayətlərin 1973-cü ildə onun tərəfindən törədildiyi güman edilir. Pinoçet “Kondor” planı çərçivəsində xaricdəki siyasi opponentlərinin aradan götürülməsinin təşkilatçısı hesab olunur.

Çilinin Ali Məhkəməsi Pinoçeti istefaya getmiş dövlət başçısı kimi malik olduğu parlament toxunulmazlığı hüququndan məhrum etmək qərarına gəlmişdir.

A.Pinoçet tanınmış müğənni və bəstəkar Viktor Xaranın və Santyaqoda həbs düşərgəsinə çevrilmiş stadionda güllələnmiş daha 17 nəfərin ölümü ilə bağlı yaxın günlərdə rəsmən dindiriləcəkdir.

Keçmiş diktator həmçinin təkcə 1973-cü ilin sentyabr-oktyabr aylarında Çilinin bir çox şəhərlərində 75 müxalifətçinin öldürülməsi üçün cavabdeh olan “qırğın eskadronları”na rəhbərlik etməkdə təqsirləndirilir.

Pinoçet rejiminin çoxsaylı qurbanlarının qohumları və Çilidə hərbi xuntanın 17 illik hökmranlığı dövrünün bütün dəhşətlərini yaşamış insanlar Ali Məhkəmənin qərarını böyük sevinclə qarşılamışlar.

PİNOÇET MƏHKƏMƏ QARŞISINDA CAVAB VERƏCƏK

MÜƏLLİFLƏ ƏLAQƏ

Bölmənin digər xəbərləri