Pirallahı rayonunda soyqırımı qurbanlarının xatirəsi yad edilmişdir
Bakı, 31 mart (AZƏRTAC). Pirallahı rayonunda 31 Mart soyqırımı qurbanlarının xatirəsi yad edilmişdir.
AZƏRTAC xəbər verir ki, V.Mustafazadə adına Mədəniyyət Mərkəzində təşkil edilmiş tədbirdə rayonun rəhbər işçiləri, idarə, müəssisə və təşkilatların, əmək kollektivlərinin, ictimaiyyətin nümayəndələri, orta məktəblərin şagirdləri 31 mart - Azərbaycanlıların soyqırımı qurbanlarının, bütün şəhidlərimizin əziz xatirəsini bir dəqiqəlik sükutla anmışlar.
Çıxış edən natiqlər soyqırımı nəticəsində yüz minlərlə soydaşımızın qətlə yetirildiyini, terror və təcavüzlərə məruz qaldığını, doğma torpaqlarından köçürüldüklərini, bu təcavüzkar siyasətin indi də məqsədyönlü şəkildə davam etdirildiyini bildirmişlər.
Tədbir Pirallahı rayonunda yerləşən orta məktəb şagirdlərinin və V.Mustafazadə adına Mədəniyyət Mərkəzi yetirmələrinin ifasında ədəbi-bədii kompozisiya ilə davam etdirilmişdir.
Sonda “Xoca” filmi nümayiş olunmuşdur.
Bölmənin digər xəbərləri
