PLATFORMA GƏLƏN İLİN ƏVVƏLİNDƏ İSTİSMARA VERİLƏCƏKDİR
Azərbaycan Beynəlxalq Əməliyyat Şirkətindən AZƏRTAC-a bildirmişlər ki, 15 min ton ağırlığında Qərbi Azəri (QA) platformasının üst modulları sentyabrın 21-də uğurla dənizə yola salındıqdan və təhlükəsiz şəkildə dayaq bloku üzərində oturdulduqdan sonra bütövlükdə dənizdəki quraşdırma işlərinin artıq 99 faizi, nizamlama və istismar sınaqlarının isə 90 faizi tamamlanmışdır.
QA platformasının üst modullarının dənizdə nizamlanması və istismaravermə işləri tamamlanandan sonra platformadan ilk neftin əldə olunmasına başlanacaqdır. Bu, son nəticədə “Azəri-Çıraq-Günəşli” dəniz obyektlərinin neft hasilatı gücünü gündəlik 340 min barrel artıracaqdır. Hazırda bu obyektlərdə orta gündəlik hasilat 227 min barreldir.
Bölmənin digər xəbərləri
