POL MAKKARTNİ ARVADININ SUSMASI ÜÇÜN ONA 50 MİLYON FUNT-STERLİNQ TƏKLİF ETMİŞDİR
AZƏRTAC xarici informasiya agentliklərinə istinadla xəbər verir ki, Makkartni ehtiyat edir ki, Hizer ABŞ televiziyasına onların nikahı barədə ətraflı danışmağa razılıq verə bilər. Mills keçmiş həyat yoldaşının təklif etdiyi 30 milyon funt-sterlinqdən imtina etmişdir. Lakin əri keçmiş arvadının onların boşanması barədə videofilm çəkdirməsi barədə şayiələrə görə məbləği bir qədər də artırmışdır.
Xatırladaq ki, iyun ayında mətbuatda gələcək ledi Makkartninin varlı şeyxlərin yanında pozğunluq etməsi barədə ərəb şahzadəsinin etirafları, bir qədər sonra isə mətbuatda gənc Hizerin üstündə “pornoçəkilişlər” yazılmış şəkilləri dərc olunmuşdur. Mills jurnalistlərin bütün ittihamlarını rədd etmişdir.
Mills məhkəmə araşdırmasının ABŞ-da aparılmasını istəyir. Bu halda onun ser Polun bir milyard funt-sterlinq məbləğində var-dövlətinin xeyli hissəsini almaq imkanı olacaqdır. Keçmiş modelin dostları hesab edirlər ki, o, həmin sərvətin təqribən 200 milyon funtuna sahib ola bilər.
Bölmənin digər xəbərləri
