Portuqaliya Avropa Komissiyasından alınan subsidiyaların həcminə görə ikinci yerdədir
Lissabon, 30 iyul, AZƏRTAC
2021-ci il iyunun sonuna olan vəziyyətə görə, Avropa Komissiyasından Portuqaliyaya 16,140 milyard avro vəsait köçürülüb.
AZƏRTAC xəbər verir ki, Portuqaliya Avropa İttifaqına üzv dövlətlər arasında Brüsseldən ən yüksək məbləğdə aralıq ödənişlərin olduğu iri maliyyə paketlərinə sahib ikinci ölkədir. Bu göstərici üzrə birinci yeri Litva tutur.
2021-ci il iyunun sonuna olan vəziyyətə görə, Avropa fondları tərəfindən maliyyələşdirilən əməliyyatların yerinə yetirilməsi nəticəsində Avropa Komissiyasının həyata keçirdiyi aralıq ödənişlər qismində Portuqaliyaya 16,140 avro köçürülüb.
Brüssel 28 üzv dövlətə ümumilikdə 255,322 milyard avro köçürüb, bu məbləğin 6,3 faizi Portuqaliyanın payına düşüb.
Nigar Cəfərli
AZƏRTAC-ın xüsusi müxbiri
Lissabon
Bölmənin digər xəbərləri
