Prezident İlham Əliyevin böyük diqqət və qayğısı sayəsində ölkəmizdə turizm sürətlə inkişaf edir
Bakı, 15 noyabr (AZƏRTAC). Azərbaycan Prezidenti İlham Əliyevin böyük diqqət və qayğısı sayəsində ölkəmizdə turzim sürətlə inkişaf edir. Son dövrdə Azərbaycan turizm sahəsində böyük nailiyyətlər əldə etmişdir.
AZƏRTAC xəbər verir ki, bu sözləri mədəniyyət və turizm naziri Əbülfəs Qarayev jurnalistlərə müsahibəsində söyləmişdir.
Nazir bildirmişdir ki, Azərbaycan Respublikası Prezidentinin 15 fevral 2011-ci il tarixli Sərəncamı ilə bu il ölkəmizdə “Turizm ili” elan olunmuşdur. Həmçinin “Azərbaycan Respublikasında 2010-2014-cü illərdə turizmin inkişafına dair Dövlət Proqramı”ndan irəli gələn vəzifələrin yerinə yetirilməsi istiqamətində bir çox işlər görülmüşdür.
Ə.Qarayev vurğulamışdır ki, Dünya Turizm Təşkilatı (DTT) ölkəmizdə turizmin inkişafını, əldə olunan nailiyyətləri yüksək qiymətləndirir və Azərbaycanın 2 il müddətinə DTT-nin Baş Assambleyası sədrinin müavini seçilməsi belə bir beynəlxalq təşkilatın bizə dəstək və etimadının nəticəsidir.
Bölmənin digər xəbərləri
