QAN YADDAŞI
Professor Telman Əliyev: Şəhidlərin xatirəsi qəlbimizdə daim yaşayacaq
Bakı, 20 yanvar, AZƏRTAC
20 Yanvar tariximizin qanlı səhifəsidir. Qara Yanvarı heç vaxt unuda bilmərik.
Bunu yanvarın 20-də Şəhidlər xiyabanına ziyarətə gələn, Azərbaycan Memarlıq və İnşaat Universitetinin professoru Telman Əliyev AZƏRTAC-a müsahibəsində deyib.
Professor qeyd edib ki, 1990-cı il yanvarın 19-dan 20-nə keçən gecə keçmiş sovet ordusu Bakıda və respublikamızın digər şəhər və rayonlarında insanlığa qarşı qanlı cinayətlər törədib. O müdhiş gecədə günahsız insanların qanları tökülüb. Lakin xalqımız azadlıq, müstəqillik uğrunda əsl fədakarlıq göstərib. Qəhrəman Vətən övladları azadlıq yolunda canlarından keçiblər. Şəhidlərin əziz xatirəsi qəlbimizdə daim yaşayacaq.
T.Əliyev deyib: “Mən tez -tez Şəhidlər xiyabanına ziyarətə gəlirəm. Şəhidlər xiyabanı xalqımızın əbədi ziyarət yeridir”.