QADIN VOLEYBOLÇULARIMIZIN DÖRDDƏ BİRFİNALA ÇIXMAQ İMKANI VAR
Bu mövsümdə liqada 16 klub əvəzinə 15 klubun iştirak etdiyi nəzərə alınaraq, onları hərəsində üç komanda olan 5 qrupa bölmək qərara alınmışdır. Püşkatma nəticəsində “Azərreyl”, “Otel Kantur” (Las-Palmas, İspaniya) və “Nova Branik” (Maribor, Sloveniya) klubları ilə birlikdə ikinci qrupa düşmüşdür. Əslində bu, heç də pis deyil, belə ki, Avropanın üç ən güclü klubu - “Kann”, “Tenerife” və “Uraloçka” digər qruplarda yarışacaqlar. Voleybolçularımız ilk oyunu 2004-cü il yanvarın 20-də Sloveniyada keçirəcəklər. Bir həftədən sonra isə onlar Las-Palmasda “Otel Kantur” klubu ilə yarışacaqlar. Qrup görüşlərinin son mərhələsi fevralın 3-4-də Bakıda keçiriləcəkdir. “Azərreyl” rəqiblərini öz meydançasında qəbul edəcəkdir.
Qrupların qalibləri dörddə bir finalda yarışmaq hüququ qazanacaqlar. Qrup görüşlərinin yekunlarına görə, ən yaxşı göstəriciləri olan daha üç komanda onlara qoşulacaqdır. Final oyunları İspaniyanın Tenerife kurort şəhərində keçiriləcəkdir.
Bölmənin digər xəbərləri
