QADINLAR ARASINDA OTÜSTÜ XOKKEY ÜZRƏ AVROPA KLUB ÇEMPİONLARI KUBOKU BAŞA ÇATMIŞDIR
AZƏRTAC xəbər verir ki, Kölndə qadınlar arasında otüstü xokkey üzrə Avropa Klub Çempionları Kuboku başa çatmışdır.
Azərbaycanı bu yarışda təmsil edən “Atasport” klubu ilk görüşünü Rusiyanın “Volqa Telekom” klubuna qarşı keçirmişdir. Xokkeçilərimiz ilk qarşılaşmada rəqibi 3:1 hesabı ilə məğlub etmişdilər. “Atasport” klubu ikinci görüşdə də “Siaulay” (Litva) komandası üzərində də 2:1 hesabı ilə qələbə qazanmışdılar. Xokkeyçilərimiz son qarşılaşmada “Hertogenboş” (Hollandiya) klubuna 4:0 hesabı ilə məğlub olaraq, qrup mərhələsində ikinci yeri tutmuşdur.
Son final görüşündə digər qrupun ikincisi olmuş Almaniyanın “Rod-Veiss” komandası ilə üz-üzə gələn “Atasport” rəqibə 2:1 hesabı ilə məğlub olaraq 4-cü yerə çıxmış və Avropa Klub Çempionları Kubokunda yerini saxlamışdır.
Bölmənin digər xəbərləri
