Qahirədə Ərəb Ölkələri Xarici İşlər Nazirləri Şurasının 151-ci sessiyası keçirilir
Bakı, 6 mart, AZƏRTAC
Qahirədə Ərəb Ölkələri Xarici İşlər Nazirləri Şurasının 151-ci sessiyası keçirilir.
AZƏRTAC Misirin MENA agentliyinə istinadla xəbər verir ki, ərəb ölkələrinin xarici siyasət idarələrinin rəhbərləri siyasi, iqtisadi, təhlükəsizlik və mədəni sahədə əməkdaşlıq məsələlərini müzakirə edirlər. İrəli sürülən təkliflər martın sonunda Tunisdə keçiriləcək Ərəb Sammitinin müzakirəsinə təqdim olunacaq.
Somalinin sədrlik etdiyi sessiyada Suriya, Liviya və Yəməndə davam edən silahlı münaqişələr, həmçinin Ərəb Sülh Təşəbbüsü fonunda İsrail-Fələstin probleminin həlli yolları ətrafında fikir mübadiləsi aparılır. Nazirlər İranla Birləşmiş Ərəb Əmirlikləri arasında mübahisə obyekti olan 3 ada ilə bağlı da müzakirə aparacaqlar.
Bölmənin digər xəbərləri
