Qala Arxeoloji-Etnoqrafik Muzey Kompleksinə infotur təşkil ediləcəkdir
Bakı, 22 sentyabr (AZƏRTAC). Sentyabrın 24-də Mədəniyyət və Turizm Nazirliyinin dəstəyi ilə “Turizm ili” çərçivəsində turizm şirkətləri və kütləvi informasiya vasitələrinin iştirakı ilə Qala Arxeoloji-Etnoqrafik Muzey Kompleksinə infoturun keçirilməsi nəzərdə tutulur.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, Azərbaycan tarixinin, mədəniyyətinin, xalqımızın adət-ənənələrinin yaşadılmasında, gələcək nəsillərə ötürülməsində mühüm rolu olan qoruğun ərazisində son vaxtlarda aparılan tikinti-quruculuq işləri bu turizm nümayiş obyektinin əhəmiyyətini daha da artırmışdır.
Qala qəsəbəsində Dövlət Tarix-Etnoqrafiya Qoruğunun turizm nümayiş obyekti kimi təqdimatına həsr olunmuş infotura KİV nümayəndələri dəvət olunurlar.
Bölmənin digər xəbərləri
